Биохимия кафедрасы
жүктеу/скачать 1,68 Mb. Pdf көрінісі
|
1часть-Биохимия уч.пос.каз - копия
- Бұл бет үшін навигация:
- Пиридоксаль Пиридоксальфосфат
| В
6 витамині (пиридоксин, пиридоксаль, пиридоксамин), химиялық табиғаты, биологиялық маңызы, авитаминоздары, табиғатта таралуы, тәуліктік қажеттілігі. Химиялық табиғаты. В 6 витаминінің негізгі құрылымын пиридин сақинасы құрайды. В 6 витаминінің 3 формасы белгілі, олар бір-бірінен азот атомына пара-жағдайда орналасқан көміртек атомындағы (4-ші С) алмастырушы топтармен ерекшеленеді, олардың бәрі де биологиялық активтілік көрсетеді. Биологиялық маңызы. В 6 витаминінің барлық формалары организмде коферменттер: пиридоксальфосфат, пиридоксаминфосфат түзуге жұмсалады. Коферменттер пиридоксалькиназа ферментінің және АТФ-ң қатысуымен фосфорланады: АТФ АДФ Пиридоксаль Пиридоксальфосфат пиридоксалькиназа Пиридоксальдық фермент амин қышқылдарының алмасуында негізгі роль атқарады: амин қышқылдарының трансаминдену және декарбоксилдену реакцияларын катализдейді, жеке амин қышқылдарының алмасу реакцияларына қатысады. Авитаминозы. Балаларда В 6 витаминінің жетіспеушілігі орталық жүйке жүйесінде қозудың артуымен, шеткі жүйке жүйесінде тырысып қалумен сипатталады, бұл тежеу медиаторы – -аминомай қышқылының (ГАМҚ) жеткіліксіз түзілуімен байланысты. Ересектерде В 6 гиповитаминозының белгілері туберкулезды ұзақ уақыт бойы изониазид препаратымен (В 6 витаминінің антивитамині) емдегенде байқалады. Бұл жағдайда жүйке жүйесінің зақымдануы (полиневриттер), дерматиттер, стоматиттер және глоссит дамиды. Клиникалық бақылаудың мәліметтері бойынша пиридоксаль тапшылығы миокард инфарктына әкелуі мүмкін. Табиғатта таралуы. Бұршақ, астық тұқымдастарда, ет тағамдарында, балық, картоп В 6 витаминіне бай. Ол ішек микрофлорасында өте аз мөлшерде синтезделеді де, сөйтіп осы витаминге деген организмнің қажеттілігін біршама азайтады. |