сақшылары оларға: «Сендерге сәлем! Қош келдіңдер! Оған мәңгілікке кіріңдер», – деп айтады» 1 , – деген.
Бұл қақпалардың саны – сегіз. Солардың бірі «Раййан» деп
аталады.
Сәһл ибн Сағд (Аллаһ оған разы болсын) риуаят еткен хадисте
Аллаһ елшісі (с.а.с.): «Жаннатта сегіз қақпа бар. Олардан бір қақпа «Раййан» деп аталады. Одан ораза тұтқандар ғана кіреді, олар кірген кезде ол жабылып, олардан басқа ешкім кірмейді», – деген
2
.
Сондай-ақ басқа да игі амалдар істегендерге арналған
қақпалар бар.
Әбу Һурайрадан (Аллаһ оған разы болсын) жеткен хадисте
Аллаһ елшісі (с.а.с.): «Кім Аллаһ жолында ерлі-зайыптыларға өз мал-дүниесінен қаражат жұмсаса, ол жаннат қақпаларынан шақырылады. Ал жаннатта сегіз қақпа бар: кім намаз оқығандардан болса, намаз қақпасынан шақырылады; кім садақа бергендерден болса, садақа қақпасынан шақырылады; кім жиһад жасағандардан болса, жиһад қақпасынан шақырылады; ал кім ораза тұтқандардан болса, ораза қақпасынан шақырылады», – деген. Сонда Әбу
Бәкір (Аллаһ оған разы болсын): «Уа, Аллаһтың елшісі! Аллаһпен ант етейін, біреу олардың қай-қайсысынан шақырылса да, зиян шекпейді, (бірақ) әлдебіреу олардың бәрінен шақырыла ма?» –
деп (сұрағанда, Пайғамбар (с.а.с.)): «Иә, сенің олардың қатарында болуыңды үміт етемін», – деп (жауап берген)
3
.
Сонымен қатар Аллаһ елшісі (с.а.с.): «Кімде-кім көркем түрде дәрет алып, сосын жанарын көкке көтеріп: «Әшһәду
