Пәнді оқытудың мақсаты
жүктеу/скачать 70,69 Kb.
|
- Бұл бет үшін навигация:
- Пәнді оқытудың міндеттері
- Фонетика
- Диссимиляция
- Лексикология
- Этимология
|
Пәннің мақсаты мен міндеті Пәнді оқытудың мақсаты: Қазіргі қазақ тілін жеке пән ретінде оқыту арқылы қазақ тілінің фонетика, лексикология, сөзжасам, морфология, синтаксис салаларымен, олардағы негізгі заңдылықтармен терең, жан-жақты таныстыру мақсат етіледі. Пәнді оқытудың міндеттері: - Қазақ әдеби тілінің қалыптасу, даму тарихы жайында мағлұмат беру; - Фонетика саласының негізгі ұғымдары: фонема, екпін, буын, үндестік заңы, дыбыстардың алмасуы, ықпалдың түрлері т.б. жайында мәлімет беру; - Қазіргі қазақ тілінің семасиологиялық сипаты, қазақ тілі лексикасының құрамы, фразеологиясы мен лексикографиясы туралы білім беру; - Сөзжасамдық негізгі ұғымдар: сөзжасамдық жұп, тізбек, ұя, тип, үлгі, мағына және мағына негізділігі, сөзжасамдық тәсілдер, сөз таптарының сөзжасамдық ерекшеліктері жайында білім жүйесін қалыптастыру; - Сөз таптарының лексика-грамматикалық сипаты, сөздердің морфологиялық құрылымымен таныстыру; - Сөз тіркестері, сөйлем мүшелері, жай сөйлемдер мен құрмалас сөйлемдер туралы мәлімет беру; - Тілдік талдауларға үйретіп, жаттықтырып, дағдыландыру. Глоссарий Фонетика – тіл дыбыстарын зерттейтін тіл білімінің саласы. Ассимиляция – сөз құрамында немесе сөздердің аралығында көршілес келген дауыссыз дыбыстардың бірі екіншісіне ықпал етіп, өзара үндесуі. Диссимиляция – біркелкі немесе өзара ұқсас дыбыстардың өзгеру құбылысы. Сингармонизм – сөз ішіндегі дауысты дыбыстардың бір-бірімен үндесуі. Лексика – тілдегі сөздердің тұтас жиынтығы немесе сөздік құрам. Лексикология – тілдегі сөздердің лексикалық жүйеде алатын орнын, шығу төркінін, қолданылу ерекшеліктерін тексеретін тіл ғылымының саласы. Семасиология – сөздердің мағыналық құрылымын зерттейтін сала. Этимология – сөздердің шығу төркінін қарастыратын сала. Фразеология – тұрақты сөз тіркестерін зерттейтін сала. жүктеу/скачать 70,69 Kb. Достарыңызбен бөлісу:
|