Қорғауға ұсынылған негізгі ғылыми тұжырымдар

1. Шетел азаматтары отандық азаматармен бірдей құқықтар мен бостандықтарға ие болып, міндеттер көтереді, яғни негізгі бастау ретінде ұлттық режим қағидасы танылады.

2. шетел азаматтары олардың туу тегіне, әлеуметтік және мүліктік жағдайына, нәсілі мен ұлтына, жынысы, білім деңгейі, дініне қатыстылығы, айналысатын ісіне қарамастан заң алдында тең.

3. Шетел азаматтарының ҚР-да өз құқықтарын пайдалануы мемлекет пен қоғамның, ҚР азаматтары мен өзге тұлғалардың құқықтары мен заңды мүдделеріне зиян келтірмеуі тиіс. Азаматтық айналымның басқа қатысушылары секілді шетелдіктер ҚР-да әрекет ететін заңдарды, оның ішінде субъектілердің өз азаматтық құқықтарын жүзеге асыру тәртібін анықтайтындарды да сақтауға міндетті.