Иммунитет шошқаларда дизентерияға иммунитет түзілмейді. Бірақ, қанында антиденелер байқалады.
Дауалау және күресу шаралары. Жаңадан әкелінген шошқаларды 30 күндік дауалау карантиніне қойып, жан-жақты тексереді. Сонымен қатар, топтың ішіне 5-10 бас осы шаруашылықтың шошқасын қосады (биосынама). Егер қосылған шошқалардың ішінде ауру байқалмаса, әкелінген мал басы дизентериядан аман болғаны. Әкелінген шошқаларды негізгі топқа аудармастан бұрын олардың тері үстін 0,5% күйдіргіш натрий мен 1% формальдегидтің ерітіндісімен тазалайды. Қораның еденін күйдіргіш натрийдің 4% ерітіндісімен зарарсыздандырады. Егер карантин кезінде ауру байқалса, яғни биосынама оң нәтиже берсе, барлық малды етке тапсырып, мал тұрған қора-жайды зарарсыздандырып тазалайды. Шаруашылықты соңғы дизентериямен ауырған шошқаны бөлгеннен кейін 3 ай өткесін аурудан ада деп есептейді. Шектеуді алардың алдында барлық қора-жайларды, олардың төңірегін механикалық жолмең тазалап, арасыңа 7 күн салып 2 рет дезинфекциялайды.
