6.Венулалар, құрылысы және функциясы. Артериолды – венулярлы анастомоздар, қанайналымдағы маңызы, жіктелуі. Құрылысы. Артериолды венулярлы анастомоздың әртүрлі типтерінің құрылысы. Жалпы жүрек-қантамырлар жүйесі дегеніміз – құрамында қоректік заттары, биологиялық белсенді заттар және газдар, метаболизм өнімдері бар, қанның бүкіл организм бойымен таралуын қамтамасыз ететін ағзалардың жиынтығы болып табылады.Жүрек-қантамырлар жүйесіне жүрек, қан және лимфа тамырлары жатады.
Жүрек қантамырлар жүйесі органдары құрылысы бойынша түтікшелі болып келеді. Қабырғасы 3 қабықшалардан тұрады: ішкі қабықша - интима (tunica interna s. intima); ортаңғы қабықша - медия (tunica media); сыртқы қабықша - адвентиция (tunica externa s. adventitia).Организмдегі негізгі 3 қантамыр орналасқан.Олар:артериялар,вена және микроциркуляторлы арна тамырлары.Айта өтетін жайт,қан тамырлардың қабырғалық құрылысы қанның гемодинамикалық жағдайына байланысты өзгеріп отырады.
Ендігі кезекте венулаларға тоқталсақ.Венулалардың қабырғасы арқылы лейкоциттер тіндерге өтеді.Венулалардың негізгі функциясы лимфа капиллярларымен бірге дренаждық ,қан мен тіннің аралық сұйықтықтың гемолимфатикалық тепе-теңдігін сақтайды.Және осы тіндердің метоболизмнен пайда болған өнімдерді жойып отырады.Венулаларда қан ағымы баяу ,шамамен секундына 1-2 мм және қанның қысымы да төмен болады.Венулалар негізгі 3 топқа жіктеледі:посткапиллярлы,жинағыш және етті венулалар деп аталады.
Посткапиллярлы венулалар -диаметрі -8-30 мкм болады.Бірнеше капиллярлардың бірігуі нәтижесінде пайда болады, құрылысы бойынша капиллярдың венозды бөлімін еске түсіреді.Бірақ та қабырғасында перициттері көп болады.
Жинақтаушы венулалар – диаметрі - 30-50 мкм. Бұл посткапиллярлы венулалардың бірігуі нәтижесінде түзіледі.Құрамында ет жасушалары бар және сыртқы қабықшасы айқын байқалады.
Бұлшықетті венулалар – диаметрі- 50-100 мкм. Ортаңғы қабатында 1-2 қабат тегіс миоциттері бар. Бұл венулаларда басқаларға қарағанда жақсы дамыған сыртқы қабықшасы бар.
