Реакцияның орындалуы: Шыны пластинасына 1 тамшы сірке қышқылды мырыш тұзы ерітіндісін тамызып, оған 1 тамшы K4[Hg(CNS)4] ерітіндісін қосып буландыру қажет. Түзілген кристалдардың пішінін микроскоппен қарастырып көру.
7. Дифенилтиокарбазонның (дитизон) әсері.
Мырыш катионы су ерітіндісінде дитизонмен ішкі комплексті тұз түзеді. Оны ерітіндінің рН 2,5-10 аралығында хлороформмен экстракциялайды, органикалық қабат таңқурай түске боялады.
Реакцияның орындалуы: Мырыш (ІІ) ерітіндісінің 4-5 тамшысына 4-5 тамшы дитизон ерітіндісін қосады. Органикалық қабат қызыл түске боялады. Реакция сілтілік ортада жүретін болса, органикалық қабатпен қатар су қабаты да қызыл түске боялады. Бұл Zn2+ ионын басқа иондар қатынасында анықтауға мүмкіндік береді. Zn2+ болмаған кезде ерітінді сары түске бояалады.
Cr3+ катионының реакциялары.
1. NaOH, KOH әсері.
Сілтілер ерітіндісін хром (ІІІ) тұздарына біртіндеп қосқан кезде сұр – жасыл тұнба түзіледі:
CrCI3 + 3NaOH = Cr(OH)3↓ + 3NaCI
Cr3+ + 3OH- = Cr(OH)3↓
Хром (ІІІ) гидроксиді амфотерлі, сондықтан ол қышқылдар мен сілтілерде ериді:
Cr(OH)3 + 3H+ = Cr3+ + 3H2O
Cr(OH)3 + NaOH = Na[Сr(OH)4]
Cr(OH)3 + 3NaOH = Na[Cr(OH)6]
Mg2+, Zn2+, Fe2+, Mn2+ қатысында Cr(OH)3 сілтілерде ерімейді, себебі хромиттер түзіледі: MgCrO2, ZnCrO2 т.б. Хромиттер алюминаттарға қарағанда тұрақсыз.
Реакцияның орындалуы: Cr(III) тұзы ерітіндісінің 1-2 тамшысына 1-2 тамшы реагент қосып, сұр-жасыл, күлгін тұнба түзілгенін байқау.
Достарыңызбен бөлісу: |
