Билал лайпан

Кимле  кюрешелле  аны  аман  атха  чыгъарыргьа? 

Итлеми? Аламы?

Ала юре берсинле.

2

Тюрк бёрю бла къоркъуталла дунияны,

Орус аю бла да къоркъуталла дунияны.

Аланы бир-бирине этелле,

Къалгъанланы да алагьа юсдюрелле - 

Джюрекледе джаулукъну,

кёрюб болмауну ёсдюрелле.

Кимлеми? Итле.

Биягъы  итле.

3

Алай джаратылгъанды дуния.

Бёрюлени, аюлени да Аллах джаратханды.

Итлени уа — Ибилис.

Бу затны билирге керекди.

Анга кёре джашау этерге керекди.

Итледен къутулмай,

Бёрюге,  аюге да джокъду джашау.

КЁЛ ЕКК ЕЛ Е, ДЖ АРЫ КЪЛА,  НЮРЛЕ

Кюнюнг не къадар къысха болса,

Кёлеккенг о къадар болады  узун 

Кюнюнг батыб бошаса,

Кёлеккенгден да къалмайды джукь.

Кеслери ол дуниягъа кетгенликге 

Кёлеккелери, аджашыб,

Бу дунияда айланнганла да бардыла.

Джазы къ л а,

Ёлюмсюзлюк деб, туралла анга.

Ёлген джулдузну джарыгьычады  ол.

2 2 2

Ким биледи,

Джарыгьы  джукъланнгынчы,

Джулдуз тирилиб да къалыр.

Къабырлары  нюр джана тургъанлай,

Щыйыхла, тирилиб,

Къабырларындан  къобаргъа да болурла.

Дини,  ийманы,  кераматы  болмагъан ийнанмазча, 

Кёлеккеле,  джарыкъла,  нюрле,- 

Тюрлю-тюрлю аламатла, сейирле 

Кёбдюле дунияда.

АНГЫ БЛА ДЖ Ю РЕК

Кёрюне да болурма сабырча - 

Къураннга таяна, сёлешеме.

Джюрегим а мени — сабийчад,

Кюн таякъны тутаргъа кюрешеди,

Дуниялыкъгъа алданыб  кюрешеди.

Джазгьы  хауа айланнганлай,

Кёкрекден чыгъаргьа излейди,

Ариу къызны  ызындан 

Чынгаргъа, чабаргъа излейди.

Ангы уа джюрекге ауузлукь салыб,

Джюгенни тутады  къысха 

Аланы даулашханларын эшитмей,

Къатлары бла озалла къызла.

Къызла, джазла да озалла,  узаялла...

Гюнахдан тыяргъа кюреше аны,

Джюрекни  гюнахына киргенди  ангы.

Энди экиси да къартайгьанла,

Дауларын, даулашханларын да къойгъанла. 

Бирер джары тартыб ангы бла джюрек 

Джерден айырылмай  къалгъанды тёнгек.

22 3

т ю ш

Бушууну къанатларында 

Бир  къууанч хал ар  келгенди. 

Лайпаилаиы  Билал  хаджи 

Шейит болуб ёлгенди

Джуртха атылгьан окъладан 

Бирин  кёкреги бла тыйгьанды. 

Джаны Аллахха аманат,

Джашауун Халкъгьа къойгъанды.

Джашагъаны, ёлгени да - 

Ийман  ючюн, дин  ючюн,

Уллу Аллахны джолундан 

Халкъыбыз таймаз ючюн.

Миллет ючюн, Джурт ючюн 

Джашауун къурман этди 

«Аллах,

Адам,

Халкь» дегенлей, 

Керти дуниягьа кетди.

Б О Ш  УМУТЛА

«Ала тирилликле 

Мен ёлгенден сора.

Алагьа сый берилликди 

Мен ёлгенден  сора.

Дунияда 

Алайды адет».

Ийнанмагьыз,

Алдайды  поэт.

Сизни пол,

Алдайды  кесин.

2 2 4

Дллахны  Сёзюн 

Сан этмегенле,

Дны  сёзюнеми 

Билликле тынглай?

Джашагьан  къыйынды,

Ёлген да — алай.

ДЖ АНГЫ ЛАДЫ  Д Ж А Н ГЫ  ДЖ Ы Л

Бек джазыкъды бизге атланнган Джангы Джыл да, 

Джангылады бизге ышаннган Джангы Джыл да.

Алгъындан да аман болгъанд адам улу,

Джокъ джаныуар,  хайуан да андан уллу.

Аллахны  чамланнганы аны  ючюндю, 

Ахырзаманны  иери да аны  ючюндю.

Тюшюндюрюрге иймедими файгъамбарларын, 

Анаяса этиб,  иймедими Китабларын?!

Джаратханны сан этмейди  адам улу,

Ол айтханны этмейди адам улу,

Ийнанмайды, тюшюнмейди адам улу...

Аллаху тагьала не этсин чамланмайын?!

Бек джарлыды бизге атланнган 

Джангы Джыл да,

Къаннга,  кирге булгъанныкъды 

Джангы Джыл да...

Кесинден да, дуниядан да бошарыкъды адам улу - 

Джокь джаныуар,  хайуан да андан уллу.

БА РЫ БЫ ЗГЪ А  АМАНАТДЫ

- Къара:  къайдан тиеди Кюн?

- Къарачайдан тиеди  Кюн.

225

-  Къара:  къайдан  тиеди  Ай?

- Къарачайдан тиеди  Ай.

- Къара:  къайдан джауады къар?

-

 Къарачайдан джауады  къар.

- Минги  Тау а къалпай  тауду?

-

 Минги Тауубуз а аллай тауду,

Джети къат кёкге джетген. 

Джабаль-ан-Нурну  къарнашыды, 

Шыйыхла зиярат этген.

- Агъарады къайры,  къайдан?

- Сау дуния гьа Къарачайдан.

- Баитанады Кёк да къайдан?

- Къарачайдан,  Къарачайдан.

- Кёк — Къарачай, Джер — Къарачай... 

Неденди ол,  некди алай ?

- Къарачай — Джуртунгду сени, 

Къарачай — Халкъынгды сени.

Нюр джаннганы аны  ючюндю, 

Къууаннганынг аны  ючюндю.

Уллу ата-ана — олду.

Сакъла аны — сыйды,  борчду, 

Кераматды, аламатды,

Барыбызгъа аманатды.

НЕ  Ю ЧЮ Н

Джана-кюе, джана-кюе,

Адам да ёледи дейле.

Джана-кюе, джана-кюе,

Кюн да джукъланныкъды дейле.

226

Кюнню джаны  джокъду, 

длай а джанады, 

дканады, тауусулады  ол да.

Адамны 

джаны  барды,

Алай 

а,  адамгъа да 

Келеди 

ахыр  кюн,  ёлюм.

Неди 

мадар?

Бумуду къадар?

Джаратылабыз, джашайбыз,  ёлебиз. 

Не 

ючюн,  ким  ючюн?

Барды соруу.  Джокъду джууаб.

Не ючюИ? Не ючюн? Не ючюн?

ХАКЪ КЕРТИСИ

Айтама

Къуранны окъугьандан  сора: 

Джокъду Китаб Къурандан сора.

ЭКИ ЗАМАН

Алгъын суу таза эди...

Джанкъылыч да база эди 

Аны  къучакъларгъа 

Эки джагьасын байлаб,

Кёпюр болуб турургьа

Таза суу бла 

Джан къылыч кёпюр,

Сюйюнюб,

Къарай элле бир-бирине.

Энди суу мугхузду,  кирди.

Юсю бла тартылгъан да

2 2 7

Тейри  къылыч тюлдю,

Кёпюрдю, темир кёпюр.

ХОРЛАМ АЛАНЫ КЪЫ ДЫ

- Бу къралда джашарыкь эсенг,

Аны джоругъуна бойсун.

Джаратмагъан  кетсин тышына,

Алай тюл эсе,

къайгъысын  къойсун.

- Тышындан  келген  кетсин тышына,

Мен а —  бу джерни уланы — айтама: 

Джуртуму чёбюне, ташына,

Хар бир чёбюне, ташына 

Ие болургъа керекме.

Аллах берген бардыла затла:

Дин да, тил да, Джурт да.

Аланы джашатыуду буйрукь,

Аланы джашнатыуду буйрукь - 

Джаратхан Аллахха этеме къуллукь.

Кърал айтхан тюл — Къуран  айтхан, 

Адам айтхан тюл — Аллах айтхан. 

Джангыз ол джолду —

Акъ джол, Хакь джол.

Аллахны джолуду ол.

Адамла къурагъан адетле, джорукъла, 

Адамла чыгъаргъан адетле, джорукъла - 

Бары  ётюрюкдю, джалгъанды,  харамды 

Аллахны буйругъуна бойсуннган  кърал, 

Аллахны джоругъу бла джашагъан халкь, 

Аллах айтхандан чыкъмагъан адам  - 

Шайтанны,  ёлюмню да хорларыкь алалла. 

Хорлам аланы къыды

2 2 8

д Ж А Ш А

БушУУ энеди  Айдан.

Къууанч 

а келеди  къайдан?

Джашау 

— къабырлада акъ чакъгьан терек. 

Ёлюклеге уа къууанч бармыд?  Къайдам. 

Нллюклеге да къууанч бармыд? Къайдам.

Къабырлада акъ чакъгъанды  балий.

Тик къаяда ёседи нарат

Ташны тешиб чыкъгъанды  кырдык.

Айталла ала:

Берилген болджалдан толу хайырлан.

Къаллай болумда да джашаргьа кюреш. 

Джарыкъдан,  насыбдан юлюш алыргъа кюреш. 

Ёлгюнчю

Джашаргьа кюреш.

Бош къайгъылагьа талатма кесинги,

Бош сагьышлагъа бёлме эсинги.

Саудан ёлме,  къууаныргьа  кюреш,

Ёлгюнчю джашаргьа кюреш,

Джашаудан юлюш алыргъа кюреш.

Кюл,  къууан, зауукълан,  насыблан!

Джашау байрагьын джиберме  къолдан

Эркишилик — олду.

Акъылманлыкь да — олду.

Джаша.

КЕРТИ  ИЙМ АННЫ  ЁМ Ю РЮ  БОЛСУН

Джангы джыл, ёмюр,  мингджыллыкь да 

Ай тутулгьандан башландыла.

2 2 9

Сотур болгъан эски джарала да,

Джангы  къайгьыладан ашландыла.

Не этерикди тутулмайын Ай да,

Гяуур къралла къутура турсала, 

Муслиманланы  къыра турсала,

Тюзлюгюн табмаса Малкъар-Къарачай да.

Чеченни, Юнгюшню, Тюркню, Арабны -  

Джумлай муслиманны джакъларыкъбыз биз. 

Аллах джолу — джолубуз болса,

Ийманыбыз толу болса,

Шайтанны  хорларыкъбыз биз.

Джуртну джау басхандан да бек,

Джюрекни джау басхандан сакъланайыкь. 

Джюрекден шайтанны,  ибилисни къыстамай, 

Хорлам болмазлыгьын англайыкь.

Аллах бергенни сакъласакь,  къатласакь,

Ол айтханча джашасакь,  атласакь,

Бизни дженгер бир  къара кюч джокъду, 

Иймансыз къауум эталмаз бир джукь да.

Джангы  ёмюр  ислам нюрюнден толсун,

Огьур бла келсин,  ийманлы  ёмюр болсун, 

Муслиман ёмюр болсун.  Амин.

АЛИФ. ЛАМ.  МИМ.

1

Биреуню юоню батады,

Биреуге атады танг.

Туугъанда да, ёлгенде да 

Не бек къыйналады джан.

Келгенде да,  кетгенде да 

Не бек къыйналады джан.

2 3 0

рирчалла  къарт бла сабий, 

ушашла келиу да,  кетиу да.

Заманнга,  Узайгъа кёре 

Джашау джолубуз неди  бизни?

Бир 

сание.  Бир эли.

Барысыны да магьанасы  не?

Алиф. 

Лам.  Мим.

ЭРКИН БОЛУРМУ КАВКАЗ?

Итле кёбден кёб болалла,

Бёрюле уа —  аздан-аз 

Ай  медет а; былай бла 

Эркин болурму Кавказ?!

СЮЙМЕКЛИК БЛА МЕН

Джазгъы табигьат бирден шууулдагьан сагъатда, 

Мени бла Сеннге шууулдагьан сагьатда,

Гюлле джерден, джулдузла кёкден

Бизге кёз къысыб,  шыбырдагьан сагьатда,

Айтдым:

Сюймеклик туугьан кюн туугьанма,

Сюймеклик ёлген кюн ёллюкме.

Къыямат кюн да, башха зат ючюн тюл,

Сени кёрюр  ючюн тирилликме.

АЛЛАХУ АКБАР

- Мен излейме Аны кёрюрге...

-

 Ёлгенден сора кёрлюксе Аны.

- Мен  излемейме ёлюрге,

Аны кёрюрге излейме мен.

Къайдады,  къаллайды Ол 

Кёклени, Джерни да джаратхан,

23  1

Кёкдегин,  джердегин  да  джаратхан 

Къайдады,  къаллайды Ол? 

Джашатхан,  ёлтюрген,  тирилтген 

Къайдады,  къаллайды Ол?

- 

Ол къалын  нюрге бёленибди,

Нюрюне да чыдамазса Сен.

Кёклени, Джерни да джаратханны 

Уллулугъун ёлчелер зат къайда?

Заманны, Узайны да Иеси 

Адам ангысына сыйынмаз.

«Аллаху акбар» дегенден  башха, 

Файгьамбарла да табмагъанла Сёз.

Ол джаратхан затлагьа къара да, 

Тюшюнюрге,  ойлашыргъа кюреш.

СОРМА,

«КИМГЕ ТАРТЫЛАД» ДЕБ,

САЛАХ

Къачан чакъырыр кесине Аллах? 

Билмезсе.  Дайым хазыр бол.

Сорма,  «кимге тартылад» деб, салах - 

Барыбызгъа да тартылады ол.

Балчыкъгьа кирген тонгузча,

Кирме харамгъа,  гюнахха.

Не деб кёргюзюрсе бетинги,

Къыямат кюн Аллахха.

Сорма,  «кимге тартылад» деб, салах - 

Тартылады  ол  санга да,  манга да. 

Джашауунга,

ахыр кюнюнге да сагьыш эт 

Салах тартылгъаннга тынгла да.

2 32

КЪАХМЕ  БЛА МЁЛЕК

Биреу аны  къолун сылады,

Биреу а — бутун. 

(буту уа -  бутон)

Бир деу да сабийча джылады,

Толмай  умуту.

Джырчы  анга джыр,  ийнар этди, 

(зийнагъа зийнар этди) 

Бир-бирин талай ангы бла джюрек:

Тиширыугьа къалай сыйыннган  болурла 

Къахме бла мёлек?!

Тиширыу бетге джарашхан эки тюрсюн:

Къахме бла мёлек.

Бир бетде эки тюрсюн:

Къахме бла мёлек.

Аны  ючюн сермеше болурла 

Ангы бла джюрек.

Аны  ючюн келише болмазла 

Ангы бла джюрек.

Тиширыудан туралла къараб 

Къахме бла мёлек.

ДЖАШАУ ДЕГЕН ДА  -  ОЛДУ

Джыл да, ёмюр да, мингджыллыкь да — джангы,

Кир итле, джюрекле, чекле да — ачыкь.

Адам улу чынгылдан ётдюмю? Ётдю.

Анга кёкле да энди джерча джууукь.

Джашагъанынгча джашаргьа джарамаз,

Сезиминг,  сёзюнг —  ёзюнг джангырмай.

Къадардан,  кесингден да кёб къыйынлыкъ  кёрген,

Эй адам улу,  энди джангылма.

233

Хар нени да болады  ауалы-ахыры,

Ол джорукьну хорлаялгьан  чыкъмагъанды  алкъын 

Ол джорукъгьа бойсунургьа излемейди адам  - 

Андады аны  къыйынлыгъы,  уллулугьуда.

Кюнню джукъланныгьын, Джерни да тюб боллугъун 

Биледи.  Кюрешеди  мадар излеб алгъадан.

Аллаху тагьала джазыкъсыныб  къарайды 

Джаратхан джанларыны дыгаласларына:

Адам улуну къачан,  къайда,  къалай,  не ючюн 

Тауусуллугьун билген Аллахды джангыз.

Адам улугъа къалгъаны  - ёлгюнчю джашаргъа, 

Ауруула бла,  шайтанла бла, ёлюм бла да сермеше, 

Ийманлы  болургъа, ёлюмсюз болургъа кюреше.

Хакъ джол олду.  Джашау деген да - олду.

ЭЙ, АДАМ УЛУ, ТЮ Ш Ю Н

Уллу шахарда джашайма - 

Берекет джокь  къошдача.

У чуб кетерге, силкиниб,

Къанатла джокь къущдача.

Былайын  кючлеб тургьан 

Орман чегетле къайда?

Къойла,  ийнекле джюрюучю 

Джоллада - арабала...

Джер  юсюн бетон этдик - 

Джарыкь болду  кёлюбюз.

Таш макъагъа ушайды 

Энди Аламда джерибиз.

Джер эсе - бетон тюбде,

Кёк эсе — буюьу,  къурум.

Адам улу,  сабыр бол,

Къайрыды  сени джолунг?!

2 3 4

{Сёк бла Джер — атанг-ананг,

Сен бошайса ападан.

Сен  кесингден бошайса,

Сен бошайса джашаудан.

Дайым тонайса джерни...

Джер хазнасы бошалса 

Не этеринги билемсе?

Узакь тюлдю ол заман  - 

Ахыр кюн, ахыр заман.

Эй, адам улу, тюшюн!

Къысхады тюнюнг-тюшюнг.

Келликни бил, титире,

Аллах де, аякь тире.

Сакь бол джерге,  Кёкге да,

Ахлунга, элинге да:

Келликни бил, титире,

Аллах де, аякь тире.

ДУ Н ИЯН Ы  ЭТЕМ Е ДЖЫЛАУУН

Чапракълары  ийнар айта,  шыбырдай,

Джазгьы аязда, джайгъы джелде шууулдай, 

Бутакъларында къанатлыла уя эте, джыр джырлай, 

Ким кёгетин,  ким кёлекгесин махтай,

Къаллай заманы бар эди терекни...

Энди уа джарсытады джюрекни:

Сюеледи юсю-башы джалан болуб,

Бети-къуту тюрлениб,  аман болуб.

Юсюн басыб тургьан къанатлыла къайда? 

Джап-джашил чапракълары  къайда?

Чыпчыкь уясы да чачыла, тозурай,

Къаргьа тауушдан джыйырыла,  къалтырай, 

Къутсуз джелге чыдаргьа кюрешеди.

2 3 5

Терекден  юзюлген  чапракъгъа  къараб,

Терекни тауушсуз сыйытына тынгылаб,

Ахыр  кюн, ахырзаман да хакъ болгъанын  ангылаб, 

Ачы  къадаргъа мадар джогъун да ангылаб,

Адамны,  адам улуну да этеме джылауун.

Бютеу табнгьатны этеме джылауун,

Кесими да...  тауусулады джашауум.

АЛЛАХНЫ  КЪУЛУДУ  Ш АЙЫ Р

Шайырны  шийирди  ханы мы,

Дуния  мал бла тергелмейди  къалымы.

Шайыр джюреги бла, джашауу бла тёлейди аны  - 

Кетсе да шийирде къалады джаны.

Шийирге кёчюб къалады джаны.

Шайырны  къадары сейирди:

Ёз дуниясы, сёз дуниясы да бирди.

Сёзю джыгъылмаз  ючюн джыгъылады  кеси. 

Ариулукь-Игилик-Тюзлюк-Эркинлик - 

Ма аны  кёлю-джюреги, ангысы-эси.

Былагьа элтеди  шайырны  шийири,

Алагьа къурманды джашауу, ёмюрю.

Асыл сезимле туудура джюрекде 

Аллах ха джууукь болады  шайыр.

Аллахха къуллукь этеди  шайыр.

Аллахны  къулуду шайыр.

Аллахны джырчысыды  шайыр.

АЛЛАХЫ  БОЛГЪАН АДАМ

Чегет джашаудан сууугъанды терек,

Эрикгенди, талгьанды.

Джууукъну, тенгни да къоюб,

Тюзге кетиб къалырча болгьанды,

2 3 6

Башын  суугьа  атарча  болгьанды.

Не да тырнакълаб-илиниб-ёрлеб,

Къаяда джашарча болгьанды.

.. Къаяда джашагьан терек а,

Кесин асылгьанча кёреди.

Тёбенде кёгерген чегетге 

Къараб, тансыкъдан ёледи.

Къарадым къаяда терекге,

Чегетде терекге къарадым  -

Джазы къ л а бирер джерге бегиб, бегиниб...

Насыб не болгъанын англадым:

Сюйген джерингде,

Сюйгенинг бла,

Сюймеклик бла,

Сюйгенингча 

Джашаргъа къадарынг,  мадарынг болса,

Насыб деген - Олду.

Кесине,  къалгъанлагъа да 

Аллай  насыбны  келтирир ючюн,

Талмай-къаджыкъмай кюрешиб тургъаннга 

Айта болурла Адам деб.

ДЖАЗ. ДЖ АЙ.  КЪАЧ.  КЪЫШ .

Джаз, джаз джазыуунгу,  н аз мунгу, кёлюнгю да.

Джай, джай джыйгъан хазнангы,  ил мунгу, билиминги да. 

Къач.  къачдан къач,  керти дуниягъа эшик ач.

Къыш.  къабыр ичи не нюр,  не от.

Тирилиу.  не дерикбиз энди Аллахха?!

К ЪА БЫ Р Т Ё БЕН И  КЫРДЫГЫ

1

Къышдан бир атлам кетдик деб,

2 3 7

Джазгъа бир  атлам  этдик  деб,

Турабыз.

Кертиси уа - 

Дагьыда бир атламгъа 

Къышха джууукълашабыз.

2

Джангы туугъанны джылауунда,

Къычырыгъында

Ахыр кюнню тауушу да барды.

3

Дуниягъа келдик деб турабыз,

Дуниядан  кетиб башлагъаныбызны билмей...

4

Кел иуде джашыныбды  кетиу,

Тюбешиуде — айырылыу.

АЛЛАХ —  ОЛДУ

Аламланы, дунияланы,

Кёклени,  Джерни,

Ал ада болгъанны  барын да - 

Кёрюннгенни,

Кёрюнмегенни да,

Хар бир джорукьну - 

Джашауну-ёлюмню-тирилиуню да 

Ким джаратхан эсе - 

Аллах — Олду.

УЯН, ХАЛКЪЫМ!

Кърал  иймансызланы этеди башчы,

Ала да халкъларына ишлейле  къаршчы. 

Халкь ауруйду - къайдады  хаким?

Тургьаны джерде къыйынлашады  хар  ким

23 8

ддамлыкъдан айырылады адам, 

Башхалыгъы  къалмады  хайыуандан.

Цчки,  хаулелик бошайла халкъдан. 

Къалмады бир джукь адетден-намысдан

Кир ырхы  келеди джюрекледен тёгюлюб, 

Иги иннет кетеди сёгюлюб, сюрюлюб.

Эй,  зорлукьланы  джеигиучю халкъым, уян! 

Калак джеллеге аш болгъунчу уянг

Калак джеллеге аш болгъунчу дуниянг,

Эй,  Нарт Халкъым,  Алан Халкъым, уян. 

Нюр-Ислам-Тюрк-Кавказ Халкъым, уян. 

Джукъланыргъа Джаратхандан уял.

Ол берген затланы  сакьламасанг сен,

Иман бла, Къуран бла джашамасанг сен, 

Джуртунгу, тилинги джакьламасанг сен, 

Дуниясыз, ахратсыз да къаллыкъса,  ийнан.

Джюрегинги  шайтан кючлесе,

Джуртунгу кючлерикди гяуур,

Юйюнгю да — ички бла дауур.

Кеч  болгьунчу титире,  уян!

Сени къутхарлыкь — Иман бла Къуран. 

Сени  къутхарлыкь — О къуу бла Билим. 

Уян,  марджа, батхынчы  кюнюнг.

КЪАРНЫ  СЮ Й ГЕН  КЪЫЗЧЫКЪГЪА

Къарны  сюйген  къызчыкъгъа 

Джабалакь  назмучукъла,

Келечи назмучукъла - 

Сау джетсинле - иеме.

Къарны  мен да сюеме.

2 3 9

Сау бол  Нюртане  ханым,

Алгьышынг, сёзюнг ючюн.

Мен бек сюйген  акъ  къарны 

Сен да сюйгенинг ючюн.

Сен  къаргъа тансыкь болгьанса,

Мен а - джылыугъа,  джазгъа...

Джуртну кёрсенг,  къууанырса,

Кел,  кетейик Кавказгъа.

Минги Тауча тау джокъду,

»Ариулукь бла бай болгъан,

Башы  къыш болуб,  бели джаз болуб, 

Этеклеринде джай болгьан».

Бизге Меккя,  Медина да - 

Къарачайды,  Малкъарды 

Анда барды  къар да, нюр да,

Сюймеклик,  насыб да барды.

Сен къаргъа тансыкь болгьанса,

Мен а - джылыугъа, джазгъа...

Джуртну кёрсенг,  къууанырса,

Кел,  кетейик Кавказгъа.

СЕН И  ЭСКЕРСЕМ ...

Буз эсе да джюрегим,

Сени эскерсем, урады.

Къышхы  кюнню къойнунда 

Джаз джашыныб турады.

КЁКДЕ ДЖУЛДУЗЛАГЪА, 

ДЖ ЕРДЕ КЪЫЗЛАГЪА... 

1

Шайырны  ёмюрю — биркюнлюкдю;

Сабий джюреги джыларыкъды,  кюллюкдю.

2 4 0

Длай а,

Кёкде 

джулдузлагьа, джерде къызлагъа 

Айтхан сёзю — ёмюрлюкдю.

2

Кёкде джулдузлагьа,

джерде къызлагъа

Къараб,

сейирсинмеген,

къууанмагьан,

Ол, ёлюб джаратылгьанладанды сора;

Алагьа джууукь болургъа излемеген 

Къабырлагьа джууукъду сора.

АКЪЛЫКЪ-ЧУУАКЪЛЫКЪ-РАХАТЛЫКЪ

Кюн тийген  къар къаматады  кёзню.

Бу акълыкь-чууакълыкь-тазалыкь-рахатлыкь 

Джети  къат Кёкде, джюрекде джашагьан, 

Джыргъа-ийнаргъа-зикирге да ушагьан,

Буракъ къанатлы, джанкъылыч сыфатлы 

Туудурады сезимни-сёзню,

Учундурады  кёлню-джюрекни.

Къарны джангылыгьы-акълыгъы,

Кёкню кёклюгю, чууакълыгъы  - 

Табигъат шошлугьу, рахатлыгьы 

Тынчлыкь-рахатлыкь береди бизге да.

М УСЛИМ АНЛЫ КЪ —  ОЛ ХАЗЫРЛЫКЪДЫ.

Джокъду дау дуния гьа, ёмюрге.

Акъылманлыкь — ол  хазырлыкъды 

Хар къуру да джашаргьа,  ёлюрге.

Адамгьа:

«Зорлукь этме,  зорлукь да этдирме»,- 

Дегенди Мухаммад алейхи-с-салам.

241

«Мадар этсенг,

Мен  къадар этерме»,- 

Дегенди Аллаху тагъала кеси да.

Ийнанама Аллахны барлыгъына, бирлигине, 

Мухаммад файгъамбарны да келечилигине, 

Иманислам,  Къуран, Шериат, Билим, 

Фарызла, Сунна — джюрегим-кёлюм.

Джокъду дау дуниягьа,  ёмюрге. 

Муслиманлыкь — ол хазырлыкъды 

Хар къуру да джашаргъа,  ёлюрге,

Иман бла джашаргъа, ёлюрге 

Эмда

Тирилирге.

АХЫРЗАМАН КЪОРКЪУУУН ЭТЕ

Къара джарыюьдан, акъ къарангыдан да 

Къоркъама мен.

Акъ кийген  къара булутладан,

Къара кийген акъ булутладан да 

Къоркъама мен.

Джети  къат Кёкден,

Джети къат Джерден,

Джети къат Джашаудан,

Джети къат Ёлюмден 

Ётеме мен.

Джети къат Кёк,

Джети  къат Джер,

Джети  къат Дуния,

Джети  къат Джашау,

Джети къат Ёлюм 

Ётелле джюрегимден.

2 42

Дуалны,  Ахырны эмда 

Экисини арасы нда ётген джашауну 

Кёрюб, титирейме мен.

Къутулургьа излейме мен...

Неден,  кимден,  юьалай?

АЛЛАХ ДА РАЗЫ БОЛУР

Имандан чыгъа,  ассы бола,

Ол насыбсыз джахил адамчыкь,

Кесинден кёрмей къыйынлыгьын  • 

Терслейди Адамны, Аллахны да.

Аллахха салады  дау:

«Нек этмединг мен къыйналмай джашарча, 

Нек иесе аурууну, къартлыкъны, ёлюмню, 

Къайгьыны, азабны,  хар не тюрлю балахны?

Мёлек этиб нек джаратмадынг мени?

Гюнах этерге нек къояса мени?

Джаннетден  къыстаб,

Джаханим бла къоркъутаса мени.

Сен  «бол» деген болады джангыз,

Сен айтханны этеме мен».

Тауушсуз ауазны эшитеди ол:

«Огьай,  мен айтханны этмейсе сен.

Мен хар нени бирер тюрлю джаратдым.

Сени да джаратдым сюйюб, багьалатыб

Мёлеклеии шежде этдирдим сеннге.

Сеннге баш урургьа унамагьан джинни, 

Харам этиб,  кёкледен ташладым...

Сени бла кюрешни ол алай башлады,

Алай башлады  мени бла кюрешни:

243

«Аллах,  Сен джаратхан джан 

Сеннге тыйыншлы  болмагъанын,

Мен да анга баш урмагьанымы 

Тюз этгеними кёргюзтюрюкме мен.

Адамны терсейтирикме,

Кесиме бойсундурлукъма мен,

Аны Сеннге къаршчы кюрешдирликме мен».

Ма былай  кюрешеди Ибилис сени бла...

Мен сени джаратдым сюйюб, багьалатыб.

Эркелетиб, джаннетими бердим.

Къайгъы-ауруу-къартлыкь-ёлюм не болгьанын билмей, 

Къууанч бла,  насыб бла джаша дедим.

Сен а айтханымдан  чыкъдынг...

Мен айтханны этмей,  Ибилис айтханны этдинг.

Аны  ючюн чыгъарыб джаннетден,

Сынау дунияны  бердим сеннге.

Мен сени джаратдым сюйюб, сюйюнюб.

Ангы-эс бердим.  Тюз джаша дедим.

Келечилеримден сеннге айтдырдым, билдирдим, 

Кёргюзтдюм джаннетге къайтарлыкь джолну. 

Кёргюзтдюм джаханимге элтирик джолну да.

Сайлауну уа кесинге къойдум.

Тынгыласанг, ангыласанг, излесенг,

Сынау дунияда къысха ёмюрюнгю

Алай джашарса - артда сокъуранмазча,  кюймезча.

Сынау дунияда сыналаса сен 

Байлыкь бла, джарлылыкь бла Да;

Саулукь бла,  ауруу-сакъатлыкь бла да;

Тойгъанлыкь бла, ачлыкь-джаланнгачлыкь бла да; 

Махтау бла, сёгюлюу бла да;

Къыш чилле бла, джай чилле бла да;

Кёк кюкюреу, джер тебрениу бла да;

жүктеу/скачать 10,08 Mb.

Достарыңызбен бөлісу: