К. Күзембаев, Г. К. Күзембаева, А.Қ. Смағұлова
Тауарайналым түрлері мен әдістері. Тауарайналымдағы көлік, оған
жүктеу/скачать 4,69 Mb. Pdf көрінісі
|
| 2.5. Тауарайналым түрлері мен әдістері. Тауарайналымдағы көлік, оған
қойылатын талаптар Тауарайналым - тауарларды өндіру жерінен бастап тұтыну жеріне дейін жеткізу. Тауарайналымның технологиялық үрдісі – тауарлық, жүк және арнайы өңдеуді қажет ететін өндірушіден тұтынушыға дейін тауарлардың материалды- техникалық ағыны. Тауарайналымның негізгі принциптері: тауарайналымның оңтайлы тізбегі; көлік құралдарын тиімді қолдану; саудалық- технологиялық жабдықтарды тиімді қолдану; тауармен орындалатын операциялар санын қысқарту. Тауарайналым үрдісіне әртүрлі факторлар әсер етеді, оларды үш топқа біріктіруге болады: өндірістік, тасымалдау және тауарлық. Өндірістік факторларға: өндірістік кәсіпорындарды тұтыну орындарына қатысты орналастыру, жеке тауарлар өндірісінің мамандануы және маусымдылығы жатады. Тасымалдау факторларға: өндіріс пен тұтыну орындарын байланыстыратын көлік жолдарының күйі, тасымалдау құралдарыныі, контейнерлік алаңдардың болуы жатады. Саудалық факторларға: тауар партиясының көлемі, минималды тиеу нормалары, тауарлардың физико-химиялық қасиеттері, ассортимент күрделілігі, кәсіпорын өлшемі жатады. Тауармен орындалатын операциялар саны тауар айналым сызбасына байланысты (2.2-сурет). Тауарайналым белгілі бір каналдар бойынша жүзеге асады. Қоғамдық тамақтандыру кәсіпорнына дейін тауар айналымына өндіруші-кәсіпорындар, әртүрлі делдалдар, бөлшек сауда желісі, көлік кәсіпорындары қатысуы мүмкін. Қоғамдық тамақтандыру кәсіпорындарына тауарлардың түсу көзіне байланысты тауарайналымның транзитті немесе қоймалық түрін қолданады. |