Ұлттық архив қорының құжаттарын және басқа да архивтік құжаттарды мемлекеттік және арнаулы мемлекеттік архивтердің жинақтау, сақтау, есепке алу мен пайдалану қағидаларын бекіту туралы
-параграф. Жеке тұлғалардың және жеке құрам жөніндегі архивтік құжаттарды есепке алу тәртібі
жүктеу/скачать 100,72 Kb.
|
- Бұл бет үшін навигация:
- 6-параграф. Шарт бойынша архивке сақтауға қабылданған жеке меншіктегі архивтік құжаттарды есепке алу тәртібі
| 5-параграф. Жеке тұлғалардың және жеке құрам жөніндегі архивтік құжаттарды есепке алу тәртібі
275. Меншік иесінің мемлекеттік меншікке тапсырған жеке тұлғалық архивтік құжаттарын есепке алу жеке тұлғалардың құжаттарын сақтауға қабылдау актісі негізінде жүргізіледі. Актіге архивтік құжаттар тізімдемесі және құжаттарды архивке қабылдау туралы архив СТК мен ЖАО шешімі қоса беріледі. 276. Меншік иесінің шарт бойынша архивке сақтауға берген жеке тұлғалардың архивтік құжаттарын есепке алу осы Қағидалардың 281-285-тармақтарына сәйкес жүзеге асырылады. 277. Жеке тұлғалардың архивтік құжаттарын сипаттау нәтижесінде құрамы мен саны өзгеретін болса, олар құжаттарды сипаттау актісімен құжатталады, оның негізінде есепке алу құжаттарына өзгерістер енгізіледі. 278. Архивте сақтауға жатпайтын архивтік құжаттарға құжаттарды иесіне қайтару туралы екі данада акт жасалады, бір данасы құжаттармен бірге меншік иесіне қайтарылады. Есепке алынбаған жеке тұлғалардың архивтік құжаттарын архивте сақтауға болмайды. 279. Жеке құрам жөніндегі архивтік құжаттарды есепке алу жалпы негізде осы Қағидалардың 239-тармағына сәйкес жүзеге асырылады. 280. Архивте сақтаудағы жеке құрам жөніндегі архивтік құжаттарды есепке алу қорды парақтап және істі тізімдемемен қарау арқылы жүргізіледі және әрбір қор мен архив бойынша жиынтық мәлімет есепке алу кітабына (еркін нысанда) тіркеледі. Жеке құрам жөніндегі құжаттардың құндылығына сараптама жүргізу нәтижесі бойынша 75 жылдық сақтау мерзімі өткеннен кейін есепке алу құжаттарына тиісті өзгерістер енгізіледі. 6-параграф. Шарт бойынша архивке сақтауға қабылданған жеке меншіктегі архивтік құжаттарды есепке алу тәртібі 281. Қабылдау-беру актісі негізінде шарт бойынша архивке сақтауға алынған жеке меншіктегі Ұлттық архив қорының құжаттарын есепке алу архивтің негізгі есепке алу құжаттарының негізінде жүзеге асырылады. Келіп түскен құжаттарды есепке алу кітабында меншік иесі немесе құжаттардың иесі көрсетіледі (3-баған), қабылдау-беру актісінің нөмірі және уақыты (4-баған), шартқа қол қойылған күн және шарттың мерзімі көрсетіледі. Архив қорын қорлар тізіміне енгізгенде оның нөміріне "Ш" ("шарт") деген индекс қойылады және ол барлық есепке алу құжаттарында және сақтау бірліктерінің архивтік шифрінде сақталады. Қорлар тізіміндегі "Ескертпе" бағанында меншік иесі немесе архивтік құжаттардың иесі, шарт жасалған датасы мен оның мерзімі көрсетіледі. 282. Шарт бойынша архивке сақтауға қабылданған архив қорларының саны, келіп түскен архивтік құжаттарды есепке алу кітабында, қор тізімінің қорытынды жазбасында бөлек қатарда көрсетіледі. Меншік иесімен немесе архивтік құжаттардың иесімен жасалған шарттың бір данасы қордың ісіне енгізіледі. 283. Шартқа сәйкес архив қорындағы архивтік құжаттардың сақтау мерзімінің аяқталуына байланысты олар архив қорынан шығарылған кезде оның нөмірі басқа архив қорына берілмейді. 284. Архивке сақтауға шарт бойынша қабылданған жеке меншіктегі және мемлекет меншігіне өткен Ұлттық архив қорының құжаттары негізгі есепке алу құжаттарында жалпы негізде тіркеледі. Есепке алу құжаттарында және сақтау бірліктерінің архивтік шифрінде "Ш" индексі сызып тасталады, қорлар тізімінің "Ескертпе" бағанына тиісті мәліметтер жазылады. 285. Ұлттық архив қорының құрамына енбеген архивтік құжаттар, сондай-ақ архивке сақтауға алынған жеке құрам жөніндегі құжаттар Ұлттық архив қоры құжаттарынан бөлек есепке алынады. Оларды есепке алу үшін жеке есепке алу кітабы, қорлар тізімі, қорлар парағы және басқа да есепке алу құжаттары жүргізіледі. жүктеу/скачать 100,72 Kb. Достарыңызбен бөлісу:
|