МұхаММед (с а л л а л л а һ у а л ә й һ и у ә с әл л ә м ) 3 Аударған: Ғалымбек Тобашев
жүктеу/скачать 1,98 Mb. Pdf көрінісі
|
Жүрек төрінен орын алған 3 том
| жаңадан жирана мен Хауазин тобы
Осы кезде жаңадан Жиранаға келді. Алты мың тұтқын, төрт мың оққа күміс, жиырма төрт мың түйе мен қырық мыңнан астам қой әлі күтіп тұрған бола- тын. Пайғамбарлар төресі тұтқындар мен олжа малда- ры мәселесінде шешімін әдейі кешіктірді. Бір білгені бары сөзсіз еді. Расында да солай болды. Тайыфтан кеткелі он күннен астам уақыт өтті. Бір күні Зүхайыр ибн Сұрад бастаған он төрт кісілік Хауазиндық топтың Жиранаға келгені байқалды. Араларында Пайғамбарымыздың емшектес көкесі Әбу Бұрқан да бар екен. Бәрі мұсылмандыққа өтіпті. Бір үзілмейтін соғыстармен береке таппасын біліп, мұсылман болып жағдайларын айтуға келген еді. Әуелі: – Уа, расулаллаһ – деді, – біз тамыр жайған ақсүйек елміз. Тап болған ауыр жағдайымыз өзіңе белгілі. Бізге бір жақсылық жаса, Аллаһ та саған жақсылық жаса- сын! Мақсат түсінікті еді. Бұл Аллаһ елшісін қатты қуантқан оқиға болатын. Дүние және дүниенің ішіндегі барлық нәрсе өзіне берілсе де мұншалықты қуанбас еді. Алайда өзін таңырқатқан бір жағдай тағы да бар еді: – Малик ибн Ауф не істеп жүр? 330 Жүрек төрінен орын алған теңдессіз тұлға Мұхаммед (с.а.с.) Малик ибн Ауф Хауазин халқын Хүнейін сайына бастап барып, осындай қырғынға ұшыратқан жас жігіт еді. Расулаллаһ оны ұмытпап еді. Сол үшін Хауазиндықтардан оның жағдайын сұрады. – Уа, расулаллаһ, – деді. – Ол Сақифтықтармен бірге қашып Тайыфты паналап отыр. Құлағанды демеу керек. Аллаһ елшісі оларға: – Барыңдар да оған хабар айтыңдар, егер мұсылман болып маған келер болса, малдарын, бала-шағасын өзіне қайтарып, оған қосып жүз түйе беремін, – деді. Өзі осы уақыттарда Малик ибн Ауфтың жанұясын Меккеге жіберіп, арнайы көңіл бөлу үшін әпкесі Үммү Абдиллаһ бинт Әби Үмәйяның қасында ұстап еді. Пайғамбарымыздың ниетінің ізгі екенін көрген Хауазиндық топ: – Уа, расулаллаһ, – деді. Олар біздің басшылары- мыз, әрі ең қатты құрметтейтін кісілеріміз. – Мен онсыз да оларға жақсылық қалаудамын, – деді Аллаһ елшісі. Сахабалар бұның бәрін таңғала бақылап қарап отырды. Демек, бүгінге дейін Хауазиндықтардан түскен тұтқындар мен олжа малдарға Пайғамбарымыздың ешкімге тиіскізбей ұстауында, ол мәселеде асықпауында өздеріне беймәлім жайттар бар еді. Пайғамбарымыздың оларға жақсы мәміле жасағысы келгені тұтқындарға мақта мен шыттан әзірленген киімдерді таратып кидіргенінен белгілі еді. Қазір болса бірнеше апта бұрын ғана өздеріне қарсы соғысқан кісілер өз еріктерімен келіп, мұсылман болғандықтарын айтып жатты. Бұл кезде сөз алған басшылары ақын Зүхайыр ибн Сұрад Пайғамбарымызға қарап: – Уа, расулаллаһ, – деді. Дәл қазір осындағы тұтқындардың біразы өзіңнің туыс әпкелерің, өзіңді 331 Хауазиндықтардан жеткен хабарлар емізіп баққандар. Егер біз Шам патшасы Харис ибн Әби Шимр немесе Ирак патшасы Нұғман ибн Мұнзырды емізген болсақ, онда біз бүгін сенен емес солардан жақсылық күтер едік. Анығында қарауда есейіп, ер жеткендердің ең қайырлысы өзіңсің, уа, расулаллаһ. Бізге жақсылық жаса. Пайғамбарымыздың алдында осыларды айтқан ақын Зүхәйір кейіннен өлеңіндегі күшті пайдала- нып, мақсатын өлеңмен де жеткізді. Онсыз да Аллаһ расулының күткені осы еді. – Менің және Абдулмутталибұлдарының үлесіне не тисе де бәрі сендердікі, – деп бұйырды. Сахабаларына бұл мәселеде үлгі көрсетіп, үлестерінен өз еріктерімен бас тартуды білдіріп, өзі бірінші болып осыған бастама жасады. Онсыз да осыны көрген Құрайыштықтар: – Біздің үлесімізге тигендер Аллаһ пен расулына бердік, – десті. Осы көрініске куә болған Пайғамбарлар төресі: – Қайсысын таңдайсыңдар? – деп сұрады. Мен үшін ең ұнамдысы сөздің ең шыны. Сендер үшін әйел, бала-шағаларың артық па, әлде малдарың ба? Екеуінің бірін таңдаңдар. Сендердің келетіндеріңді біліп, оларды бөліске әлі салмап едім. Соғыста айрылып қалған нәрселерінің бәріне қол жеткізе алмайтындарын, осы екеуінің бірін таңдау керектігін білген Хауазин тобы: – Уа, расулаллаһ! – деді. – Байқап отырмыз, сен от- басыларымыз бен малдарымыз арасында бізге таңдау салып отырсың. Біз үшін әйел, бала-шағамыз әрине артық. Түйелеріміз бен қойларымызды қайткенде де бер, – деп тұрып ала алмаймыз. Пайғамбарлар төресі үшін бұл тосын жаңалық емес еді, сондықтан: |