Нуржігіт Алтынбеков 1 А. И. Струков, В. В. Серов патологиялық анатомия бесінші басылым, стереотипті
-сурет. Өкпедегі гиалинді мембраналар
жүктеу/скачать 7,24 Mb. Pdf көрінісі
|
- Бұл бет үшін навигация:
- Нуржігіт Алтынбеков
- Пневмониялар
| 306-сурет. Өкпедегі гиалинді мембраналар.
Сулы ісінулік-геморрагиялы синдром мен өкпенің гиалинді мембраналары көбінесе шала туғандарда байқалады, даму механизмдері ортақ. Ол механизмдер мыналар: 1) өкпе шала жетілгендіктен, оның тынысалу көлемі азаяды; 2) өкпе шала жетілгендіктен, тыныс алғанда керілуді қамтамасыз етіп, тыныс шығарғанда альвеолаларды толық қабыстырмайтын антиателектаздық фактор, яғни сурфактант аз болады немесе мүлде болмайды; 3) фибринді ерітетін ферменттер жетілмегендіктен, өкпенің тініндегі фибрин ерімейді. Өкпеде ателектаз дамыса, қан өкпеге жетпей, жүректің оң жақ бөлімінен сопақша тесік пен артериялық (Боталл) өзекше арқылы бірден жүректің сол жақ бөліміне айдалады. Гипоксия өрши келе, әсіресе жүректің сол қарыншасында заталмасулық үдеріс бұзылады. Жүректің сол жақ қарыншасының қызметі жеткіліксіз болғандықтан, өкпедегі капиллярларды қан кернеп, өткізгіштігі артып, транссудация өрістейді. Алдымен транссудат өкпенің интерстицийіне жиналып, тіні су сіңіп ісінеді, респирациялық бөлімдерін астарлайтын жасушалар сыдырылып, жойылады. Базал мембрана жалаңаштанып, капиллярлар арнасының өткізгіштігі арта түсетіндіктен, плазмадағы белоктар мен фибриноген өкпенің интерстицийіне ғана шығып қоймай, альвеолалардың саңылауы мен альвеолалық жолдарға да жиналады. Респирациялық бөлімдерге Нуржігіт Алтынбеков 561 жиналған фибриноген фибринге айналып, гиалинді мембрананың негізін қалайды. Өкпе тінінің фибринді еру қабілеті төмен болғандықтан, фибрин мен басқа да плазмалық белоктар ерімей тығыздала түсіп, альвеолалар мен альвеолалық жолдардың қабырғасымен тығыз бірігіп, гиалинді сақиналар түзеді. Өкпенің гиалинді мембраналары мен сулы ісінулік-геморрагиялы синдромы шала туғандарда жиірек, ал жетіліп туғандарда сиректеу кездеседі. Жетіліп туғандардың ішінде бұл синдромдар жүрегі тума кемістіктілерінде, туу кезеңінде бассүйегінің іші жарақаттанғандарда немесе диабеттік фетопатиямен сырқаттарда байқалады. Пневмониялар Жаңа туғандарда кездесетін пневмониялардың ең жиі нысаны – аспирациялық пневмония . Оны, әдетте коктар дамытады. Қоздырушы интранаталдық кезеңде немесе шарана туғаннан кейін көбіне қағанақ суына араласып тынысалу жолына өтеді. Пневмония өкпесіне аппаратпен ауа жіберіп, жасанды тәсілмен тыныс алдырылған нәрестелерде жиі байқалады. Жаңа туғандарда дамыған аспирациялық пневмонияның өзіндік морфологиялық бейнесі бар – бронхылар мен альвеолалық жолдарда тыныс алғанда қағанақ суынан түскен қатты заттар болады. Жаңа туғандарда, әсіресе шала туғандарда пневмопатия көбіне вирустық-бактериялық пневмонияға ұласады. Бұл пневмонияда қабыну үдерісінің альтерациялық компоненті басым. жүктеу/скачать 7,24 Mb. Достарыңызбен бөлісу:
|