Оқу-әдістемелік құралы) Семей 016 (075. 8) Ббк 54. Ж 43
жүктеу/скачать 1 Mb.
|
- Бұл бет үшін навигация:
- АЛЛЕРГОДЕРМАТОЗДАР.
| Тағамдық аллергия емі
ТА емдеу үшін науқастан сонымен қатар дәрігерден үлкен шыдамдылық талап етіледі. ТА емін элиминациядан бастау керек – кінәлі азық түлікті жою. Ол үшін нақты арнайы диагностика қажет. Толық негіздемелер болмайынша науқастың диетасынан көптеген тағамдарды алуға болмайды. Элиминацияны (кінәлі тағамды алып тастау) 3 айдан кем емес уақытқа тағайындайды. Бұл ең нәтижелі: қауіпсіз, арзан және науқас үшін тиімді ем әдісі. ТА өршу кезеңінде: гипоаллергенді диета және тағамды бір-бірден күнделікті рационға еңгізу, бұл кінәлі аллергенді анықтауға көмектеседі. Антигистаминді препараттар, оның ішінде ең нәтижелі 3-ші қатарлы антигистаминді Зиртек т.б. препараттарын 2 апта бойы қабылдау қажет. Ферментті препараттар. ТА кезінде ұйқы безі секрециясының жеткіліксіздігінен, 2-3 апта бойы фермент Креон т.б. препараттарын тағайындау қажет. Эубиотик препараттары, олар ішек микрофлорасы мен иммунды жүйе қызметін қалыптастырады. 2-3 аптаға Линекс т.б. препараттары тағайындалады. Аурудың ауыр түрінде қосымша кортикостероидтар, плазмофорез тағайындау қажет. Оральді арнайы иммунды ем - тағамдық аллергия кезінде қолданылады. Осы әдісті қолданған кезде «кінәлі» азық-түлікке сезімталдық жоғалады – төзімділік пайда болады. Бұл ем тәсілінің механизмі науқастың қанындағы арнайы IgE –антиденесінің мөлшерін төмендетуге негізделген. Емі: аллергенді тағамды мысалы, 1 тамшы сүт немесе жұмыртқа ақуызынан бастайды, әрі қарай күн сайын тағамның мөлшерін біртіндеп өсіреді, емді 2-3 ай жүргізеді, тағам өнімінің аллергиялық серпілістерді тудырмауына дейін тағайындалады. Тағамдық аллергия кезіндегі осы тәсілдің нәтижелігі 71%-дан 93% -ға дейін болған. 10-15% жағдайларда жанама серпілістер байқалған: есекжем, ангионевротикалық ісінуі, іштегі ауырсыну және т.б. Гипоаллергенді базисті диетаның негізгі принципі болып табылады: 80 грамм ақуыз, оның ішінде өсімдік текті – 40грамм; май-80грамм, оның ішінде өсімдікті-40грамм; көмірсу-400грамм, оның ішінде қарапайымы -30грамм. Жалпы күндізгі калория 2600-3000 ккал мөлшерінде болады. Химиялық және механикалық диета: тамақтану тәулігіне 5 ретке дейін (бөлшектенген-аз мөлшерде), тұз бен қарапайым көмірсуларды шектеу. Сұйықтықты тәулігіне 1,5 литрге дейін қабылдау. Барлық тағамдар қайнатылған күйінде дайындалады, етті, балықты, тауық етінің сорпасын 3 рет ауыстырып қайнатады. Жұмыртқаны 15 минуттан кем емес қайнату қажет. Қатаң диета 10 күнге тағайындалады, содан кейін біртіндеп жаңа тағам түрлерін қоса бастайды. Тағамдық қоспаларды, табиғи емес өнімдерді 3-6 ай тағайындауға болмайды. Нағыз тағамдық аллергия кезінде элиминациядан оң нәтиже 24-48 сағаттан кейін, ал псевдоаллергияда 2-3 аптадан кейін пайда болады [17]. АЛЛЕРГОДЕРМАТОЗДАР.жүктеу/скачать 1 Mb. Достарыңызбен бөлісу:
|