«механика»
жүктеу/скачать 2,67 Mb.
|
- Бұл бет үшін навигация:
- 6. Лекциялық сабақтар тезистері
|
Қазақстан Республикасы Білім және ғылым министрлігі Қарағанды мемлекеттік Е.А.Бөкетов атындағы университеті Физика- техникалық факультеті Физика және нанотехнология кафедрасы «МЕХАНИКА»пәні бойынша5B012800 - «Физика», 5B060400 - «Физика»мамандығы үшінОҚУ-ӘДІСТЕМЕЛІК КЕШЕНКурс: 1
Қарағанды 2015 Құрастырғандар: Дәрібеков Сағатбек Дәрібекұлы – т.ғ.к., физика және нанотехнология кафедрасының профессоры Бұл несие жүйесі бойынша оқытылатын физика- техникалық факультетінің 1 курс студенттеріне механика курсына арналған оқу - әдістемелік кешен. Мұнда тапсырманы орындау және тапсыру кестесі; барлық сабақтар түрлері бойынша негізгі және қосымша әдебиеттер тізімі; пән бойынша оқу - әдістемелік кешен: тақырыптық мазмұны, дәріс тезистері, практикалық сабақтардың мазмұны (шығарылған есептер мысалымен); зертханалық сабақтар мазмұны; СОӨЖ және СӨЖ сабақтар көлемінде; пән бойынша жазбаша жұмыстар тақырыптары; өздік бақылауға арналған тестік тапсырмалар; емтихан сұрақтары келтірілген.«Механика» пәні бойынша 5B012800 - «Физика»,5B060400 - «Физика» мамандығының студенттеріне арналған оқу-әдістемелік кешен / Дайынд.: С.Д.Дәрібеков - Қарағанды: ҚарМУ баспасы, 2015.- 95 б. © Қарағанды Мемлекеттік Университеті, 2015 Пәннің типтік оқу жоспары (қосымша 1) Күндізгі оқу түрінің жұмыс оқу жоспары Оқу жоспарының көшірмесі
3. ПӘННІҢ ОҚУ БАҒДАРЛАМАСЫ – SYLLABUS 3.1 Оқытушылар туралы мәліметтер: Дәрібеков Сағатбек Дәрібекұлы, кафедрада болу уақыты оқу сабақтарының кестесімен анықталады. 3.2 Пререквизиттері: оқытылатын пәнді игеру үшін қажетті білімдер мен дағдылардың жинағы. Математика, элементар физика курсы, логика. 3.3 Постреквизиттері: пәнді оқыту кезінде алынған білімдерді қолданатын басқа пәндер жиынтығы. Физиканың жалпы курсы, теориялық механика, кванттық механика, салысттырмалылықтың арнайы теориясы, физиканы оқыту әдістемесі, элементар физика курсының ғылыми негіздері, есептерді шешу әдістемесі, күрделілігі жоғары есептерді шешу әдістемесі. 3.4 Пәннің қысқаша мазмұнында пәннің негізгі мақсаттары мен міндеттері. Студенттерде классикалық және релятивистік механиканың негізгі түсініктері мен заңдары туралы ұғым көрініс қалыптастыру, студенттерді теория негізінде жатқан іргелі тәжірибелік фактілермен таныстыру, студенттерге тәжірибелік жұмыс дағдыларын беру. 4. Пән бойынша тапсырмаларды орындау және өткізу кестесі.
Пәннің оқу- әдістемелік картасымен қамтамасыз етілуі
6. Лекциялық сабақтар тезистеріЛекция 1. Кіріспе Физика - материя қозғалысының жалпы және қарапайым формаларын, қасиеттерін зерттейтін ғылым. Материя қозғалысын: механикалық, молекулалық, электромагниттік, ядролық және т.б. формаларын жіктеуге болады. Зат пен өріс – материя түрлері, олардағы өзгерістер физикалық құбылыстар деп аталады. Физикаға материяның қасиеттері мен өзгерістерін сипаттайтын, өлшенетін әрі санмен өрнектелетін көптеген физикалық шамалары енгізіледі. Бақылау мен тәжірибе арқылы құбылыстар мен физикалық шамалар арасындағы тағайындалған тәуелділіктер физикалық заңдылықтар болып табылады. Ұғымдар, заңдар, принциптер физикалық теорияның негізін құрастырып, белгілі бір құбылыстар жөніндегі біздің білімімізді жинақтап және жалпылап отырады. Физика өндіріс пен техника салаларының негізі болып табылады. Көптеген техника мен жеке өндіріс салаларына байланысты: металлургияда – металлофизика, биологияда – биофизика, химияда – химиялық физика, геологияда – геофизика, құрылыс саласында – құрылыс физикасы, ауыл шаруашылығында – агрофизика т.б.с. Олай болса, физика пәнін оқыту көптеген адам баласының игеретін мамандықтарының негізі болып табылады. Механика - физиканың материя қозғалысының формаларын, пайда болу, өзгеру себебін және салыстырмалы тыныштық күйін зерттейтін физиканың саласы. Механиканың негізгі мақсаты - дененің кез-келген уақыт мезетіндегі орнын анықтау. Дененің механикалық қозғалысы деп уақыт өтуіне қарай оның басқа денелермен салыстырғанда кеңістікте орын ауыстыруын атайды. Механика: кинематика, динамика, статика деп аталатын үш бөлімнен тұрады. Кинематикада – дененің қозғалысы оны тудыратын себепке тәуелсіз қарастырылады. Динамикада – дене қозғалысын немесе осы қозғалыс өзгерісін тудыратын себепке байланысты зерттейді. Статикада – денелер жүйесінің тепе-теңдік заңдарын қарастырады. Егер дене қозғалысының заңдары белгілі болса, онда оның тепе-теңдік заңдылықтарын анықтауға болады. Механика: классикалық (Галилей-Ньютон) механикасы, релятивистік (А.Эйнштейн тұжырымдаған салыстырмалықтың арнаулы теориясына негізделген) механика, кванттық механика. Галилей-Ньютон механикасында жылдамдығы вакуумдағы жарық жылдамдығынан () көп кіші () макроскопиялық денелердің қозғалыс заңдары қарастырылады. Релятивистік механикада қозғалыс жылдамдығы вакуумдағы жарық жылдамдығына жуық () жылдамдықпен қозғалатын макроскопиялық дененің қозғалыс заңдарын қарастырады. Кванттық механикада жеке микроскопиялық денелердің (жеке атомдардың, молекулалардың және элементар бөлшектердің) қозғалыс заңдары қарастырылады. Физиканың кез-келген бөлімінде өзіне тән физикалық модельдер қолданылады. Мысалы механикада: материалдық нүкте, абсолютті серпімсіз және абсолютті серпімді қатты денелер; молекулалық физикада: идеал және реал газ; электр және магнетизм бөлімінде нүтелік заряд, () тогы бар өткізгіш элементі; оптикада: жарық cәулесі; электромагниттік толқын және фотон, модельдері қолданылады. Материалдық нүкте – абстрактылы ұғым. Бірақ оны енгізу көптеген қолданбалы есептерді шешуге мүмкіндік береді. Материалдық нүкте деп қозғалыстың берілген шарттарында өлшемдері өзгермейтін денені айтады. Қарастырылатын мысалдың шарттарында деформациясын ескермеуге болатын денені абсолютті қатты дене, Гук заңына бағынатын денені абсолютті серпімді дене деп атайды. Ол түсірілген күш тоқталғаннан кейін бастапқа орнына (өлшеміне, пішініне) қайтып оралады. Ал абсолютті серпімсіз дене – сырттан түсірілген күш тоқталғаннан кейін бастапқы қалпына қайта оралмайтын, сыртқы күш түсірілген кездегі алған пішінін сақтап қалатын денелерді айтады. Негізгі әдебиеттер: [1-11] Қосымша әдебиеттер: [12-23] жүктеу/скачать 2,67 Mb. Достарыңызбен бөлісу:
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||