Ң азаматтық іс жүргізу қҰҚЫҒЫ
жүктеу/скачать 2,26 Mb.
|
- Бұл бет үшін навигация:
- А л ма т ы қал а сы А л м ал ы ау д а н д ы қ со т ы н е
- 15.1 Сот актілерін орындау азаматтық іс жүргізудің сатысы ретінде. Атқарушылық іс жүргізудегі қатысушылар
| Қазақстандық сот не істеуі керек?
Есеп 18. Алматы қаласы Алмалы аудандық сотына Ағылшын Жоғары сотының шешімін мәжбүрлеп орындау туралы өтініш келіп түсті. Аталмыш шешім бойынша Д. Леклердің П.Ю. Сабитовтен мүлікке келтірген шығынның өтемі ретінде 20 мың фунт. стерлинг өндіру туралы талабы қанағаттандырылған. Өтінішке тіркелген құжаттарды зерттеу барысында Алмалы аудандық соты құжаттардың ішінде істің қаралу уақыты мен жері туралы жауапкерді уақытылы және тиісінше хабарлауын дәлелдейтін дәлелдеменің жоқ болуын анықтады. Алматы қаласы Алмалы аудандық соты не істеуі керек? 15. Соттардың және басқа органдардың актілерін орындаумен байланысты атқарушылық іс жүргізу 15.1 Сот актілерін орындау азаматтық іс жүргізудің сатысы ретінде. Атқарушылық іс жүргізудегі қатысушылар 15.2 Атқарушылық іс жүргізуді жасаудың жалпы шарттары 15.1 Сот актілерін орындау азаматтық іс жүргізудің сатысы ретінде. Атқарушылық іс жүргізудегі қатысушылар Атқарушылық іс жүргізу – борышкерден атқарушылық санкциясын атқарушылық іс жүргізу бойынша өсімпұлдарды, шығыстарды, жеке сот орындаушысының қызмет ақысын өндіріп ала отырып, атқарушылық құжаттарды мәжбүрлеп орындатуға бағытталған шаралар. ҚР «Атқарушылық iс жүргiзу және сот орындаушыларының мәртебесi туралы» Заңының 3 бабына сәйкес атқарушылық iс жүргiзудің негізгі принциптері айқындалған. Атқарушылық iс жүргiзу:1) заңдылық; 2) атқарушылық іс-әрекеттерді жүргізу мен мәжбүрлеп орындату шараларын қолданудың уақтылы және айқын болуы; 3) адамның ар-намысы мен қадір-қасиетін құрметтеу; 4) борышкер мен оның отбасы мүшелерінің өмір сүруіне қажетті мүліктің ең аз мөлшеріне қол сұғылмаушылық; 5) өндіріп алушы талаптарының көлемі мен мәжбүрлеп орындату шаралары арақатынасының салыстырмалылығы; 6) өндіріп алынған сомалар кезектің барлық талаптарын толық қанағаттандыруға жеткіліксіз болған кезде оларды бір кезектегі өндіріп алушылар арасында бөлудің барабарлығы; 7) атқарушылық құжатты мәжбүрлеп орындату жөніндегі шығыстарды борышкердің есебінен өтеу; 8) сот орындаушысының іс жүргізу әрекеттері мен қаулыларына сотқа шағымдануға еркіндік принциптері бойынша жүзеге асырылады [1]. ҚР «Атқарушылық iс жүргiзу және сот орындаушыларының мәртебесi туралы» Заңының 14 бабына сәйкес атқарушылық iс жүргiзуге қатысушылардың құрамы келесідей: 1) атқарушылық іс жүргізудің тараптары (өндіріп алушы және борышкер); 2) атқарушылық іс жүргізу тараптарының өкілдері; 3) сот орындаушысы; 4) атқарушылық құжатта қамтылған талаптарды орындауға жәрдемдесетін өзге де адамдар (оның ішінде ішкі істер органдарының және өзге де мемлекеттік органдардың қызметкерлері, сот приставы, жеке сот орындаушысының көмекшісі, аудармашы, куәгерлер, маман, сот орындаушысы тыйым салынған мүлікті күзетуге немесе сақтауға берген адам) атқарушылық іс жүргізуге қатысушылар болып танылады. ҚР «Атқарушылық iс жүргiзу және сот орындаушыларының мәртебесi туралы» Заңының 15 бабына сәйкес өндiрiп алушы мен борышкер атқарушылық iс жүргiзу тараптары болып табылады. Өз пайдасына немесе мүдделерiне атқарушылық құжат берiлген жеке немесе заңды тұлға өндiрiп алушы болып табылады. Атқарушылық құжатта көзделген талаптарды орындауға мiндеттi жеке немесе заңды тұлға борышкер болып табылады. Атқарушылық iс жүргiзуге бiрнеше өндiрiп алушы немесе борышкер (бірге қатысушылар) қатыса алады. Олардың әрқайсысы атқарушылық iс жүргiзуге дербес қатысады. Атқарушылық құжат бойынша борышкерге оның өзi ғана орындай алатын мiндеттер (жеке мiндеттер) жүктелген жағдайларды қоспағанда, бірге қатысушы атқарушылық іс жүргізуде өз мүдделерін қорғауды, басқа бірге қатысушыға оның келісімімен тапсыруы мүмкін. ҚР «Атқарушылық iс жүргiзу және сот орындаушыларының мәртебесi туралы» Заңының 16 бабына сәйкес атқарушылық iс жүргiзу тараптары атқарушылық iс жүргiзу материалдарымен, оның ішінде электрондық нысанда танысуға, олардан үзiндi көшірмелер жасауға, көшiрмелерiн алуға, қосымша материалдар беруге, өтiнiш бiлдiруге, атқарушылық әрекеттер жасауға қатысуға, атқарушылық әрекеттер процесiнде ауызша және жазбаша түсiнiктер беруге, атқарушылық iс жүргiзу барысында туындайтын барлық мәселелер бойынша өз дәлелдерi мен пiкiрлерiн айтуға, атқарушылық iс жүргiзуге қатысушы басқа адамдардың дәлелдерi мен өтiнiштерiне қарсылық бiлдiруге, бас тартатынын мәлiмдеуге, атқарушылық iс жүргiзу мәселелерi бойынша сот орындаушысының әрекеттерiне (әрекетсіздігіне) немесе шешiмдерiне шағым жасауға, бітімгершілік келісімді бекіту туралы өтінішпен сотқа жүгінуге құқылы. Атқарушылық іс жүргізу тараптары өздеріне берілген барлық құқықтарды адал пайдалануға, сондай-ақ осы Заңның талаптарын орындауға міндетті. Борышкер жұмыс орнының, тұрғылықты және орналасқан жерінің өзгергені, сондай-ақ жаңа табыс көздерінің және мүлкінің пайда болғаны туралы көрсетілген мән-жайлар туындаған кезден бастап үш жұмыс күні ішінде сот орындаушысына жазбаша хабарлауға міндетті. Борышкер атқарушылық іс жүргізу аяқталғанға дейін айына бір рет, сондай-ақ шақырған жағдайларда сот орындаушысына келуге міндетті. Келмеуі Қазақстан Республикасының заңдарына сәйкес жауаптылыққа әкеп соғады. жүктеу/скачать 2,26 Mb. Достарыңызбен бөлісу:
|