Үзік бау – үзік шеттері мен етегін киіз үй сүйегіне бекітетін бау.
4. Киіз үйдің іші-тысына тұтатын шилер. Кереге, қанат ши – керегелердің сыртынан, туырлықтардың ішкі бетінен үйді айнала оралатын тоқыма ши бөліктері. Негізгі қызметі үйді сыртқы табиғи құбылыстардың жағымсыз әрекеттерінен, сондай-ақ зиянды ұсақ жәндіктердің кереге көздері арқылы ішке енуінен қорғау.
Өреше (өреши)– есіктен кіргенде киіз үйдің оң жағын ыдыс-аяқ, адалбақан сақтау үшін шимен бөлген бұрышы.
ТҰРМЫСТЫҚ БҰЙЫМДАР ЖАСАЙТЫН МАЛ ӨНІМДЕРІНІҢ ТҮРЛЕРІ Киіз – қойдың күзем жүнінен басылған, үй тұрмысына, шаруашылыққа қажетті зат, мүлік, бұйым.
Жүн – жануарлар терісінің сыртын жауып тұратын түк, өндірістің, әсіресе тоқыма өндірісінің шикізаты.
ҚАЗАҚ ТҰРМЫСЫНДАҒЫ КИІЗГЕ ҚАТЫСТЫ ЕҢБЕК ТҮРЛЕРІ Киіз жасау– халықтың дәстүрлі үлкен қол өнері. Негізгі процестері: киіз басу, тебу, білектеу, пісіру.
Киіз басу: Қарпу – басқан киізді пісіру, кіріктіріп қағу, ұру, аяқпен тебу.
Киіз тебу –ыстық су себіліп, шиге оралған жас киізді көнелеу үлкен киізбен сыртынан тағы бір орап, сүйретіп тепкілеу.
Киіз пісіру – ыстық су жиі бүркіліп, пісірілген киізді бабына келтіру үшін білектеу.
Тұрмыста қолданылатын киіз атаулары Өре киіз – ұзындығы үш құлаштай, ені екі құлаштай пісіріліп басылған төсеніш.
От киіз – от басына, ошақ қасына төселетін кесек киіз.
Түс (түс) киіз– төсектің тұсындағы қабырғаға іліп ұстайтын сәнді, кестелі киіз.
Керіске – сәнді киім (қаллақ), бұйым (сырмақ) тігугеарналып жұқа басылған мүнәйім киіз.
Құрым киіз– түтіннің ысы сіңіп қара қошқыл тартқан киіз.
Талдырма – қозы жүнінен жұп-жұқа бастырылған киіз.
Тұлдырық – бір жапырақ құрым киіз.
Сопы киіз – мәйітті жерлегенде орайтын киіз.
