Ф. Диханбаева, Г. Кузембаева, К. Кузембаев, А. Матибаева азық-ТҮлік тауарларын тану және сараптау
Ет консервілеріне қойылатын талаптар, маркілеу, буып-түю және оларды сақтау
жүктеу/скачать 2,68 Mb.
|
Азық түлік тауарларын тану және сараптау
| Ет консервілеріне қойылатын талаптар, маркілеу, буып-түю және оларды сақтау. Ет салынатын банкілер таза, тоттанбаған, қампаймаған, майыспаған, тұмшаланып жабылған және затбелгілері бүлінбеген болуы керек. Зат белгіде консерві дайындаған өндірістің мекен – жайы, өнімнің аты, сұрыпы, таза массасы, мемлекеттік стандарт нөмірі немесе техникалық жағдай нөмірі, сақтау ережелері, мерзімі, құрамы, пайдалану тәсілі, сауда бағасы болу керек. Литографтанылған банкалар қақпағында ауысым нөмірі басылады немесе типографиялық бояумен дайындалған айы мен жылы жазылады. Литографтанылмаған банкалар қақпағында таңбамен маркіленген немесе жуылмайтын бояумен тһмендегідей шартты белгілер көрсетіледі:
өндірілген күні – екі цифр (тоғыз санына дейін, алдына 0 қойылады); өндірілген айы – екі цифр (тоғыз санына дейін, алдына 0 қойылады); өндірілген жылы – екі соңғы цифрі; ауысым нөмірі – бір цифр; ассортименттік нөмірі – 1–3 цифрлары. Жоғары сұрыпты консервілерге ассортименттік нөмірге В әрпін қосады; өндіруші өндіріс қарауында болатын система индексі, 1–2 әріптер (ет өнеркәсібі – А, тамақ өнеркәсібі – КП, жеміс-жидек шаруашылығы – К, тұтыныс кооперациясы – ЦС, ауылшаруашылығына қарайтын өндіріс – МС, орман шаруашылығына қарайтын өндіріс – ЛХ); дайындау өндірісінің нөмірі – 1–3 цифрлар. Бір немесе екі белгімен ассортименттік нөмір белгілеуде осылар мен ауысым нөмірі аралығына бір немесе екі белгіге орын тастайды. Банкі диаметріне байланысты маркілік белгілер 2 немесе 3 қатар қақпаққа немесе қақпақ пен табанына орналастырылады. Консервілердің сыртқы ақауларына тот басуы, майысуы, жарылуы, қампаюы жатады. Консервілердің қампаюы (бомбаж консервов) – консервілердің мұндай қабынуын бомбаж дейді – ол микроағзалардың тіршілігінен бөлінетін газдардың әсерінен болады. Қампаю физикалық, химиялық және бактериялық болып бөлінеді. Мұның себептері өндірістік үдерістердің дұрыс жүрмеуі (шикізаттың сапасының төмен болуы, өнімдердің дұрыс жуылмауы, өндірістегі санитарлық жағдайдың нашар болуы, сақтаудың температуралық режимдерінің сақталмауы, ыдыстың дұрыс жабылмауы, консервілердің дұрыс зарарсызданбауы). Ет консервілері өнімнің таза массасы 250, 325, 385, 425, 525, 2900 г болатын домалақ металл банкаларға, 240 г-дық тік төртбұрышты банкаға, өнімнің таза массасы 350, 500, 630, 950 г болатын шыны банкаларға өлшемденіп салынады. Бұл банкалар ағаш, картон жәшіктерге салынып немесе үлдірлермен қапталып тасымалданады. Ет консерваларын арнаулы салқындатылатын, құрғақ қоймаларда 0…8С (15 С дейін болуы мүмкін) температура аралығында (ауаның салыстырмалы ылғалдылығы 75%) сақталынады. Металл сыйымдылықтағы консервілер 2 жылға дейін, шыны сыйымдылықтағы консерві 3 жылға дейін сақталынады. Пастерленген консервілер 0...5 С, ауаның салыстырмалы ылғалдылығы 75% жағдайда 6 айға дейін сақталынады. Қоймаларда консервілер түріне, симыдылығына байланысты, белгіленген ережелер бойынша 3-тен 6 жылға дейін сақтауға болады. жүктеу/скачать 2,68 Mb. Достарыңызбен бөлісу:
|