Дәптермен жұмыс жүргізу
1 – тапсырма. Үлгіде көрсетілген з З әрпінің элементтерін, сөздерді, сөйлемдерді жазуға ұсыну. Сөздердің арасындағы байланысты, арақашықтықты сақтауға үйретіледі
2 – тапсырма. Жұмбақтарды оқып, шешуін жазу.
Аспандағы алып доп,
Жарқырайды жарық боп.
Қолы жоқ, сурет салады,
Тісі жоқ, тістеп алады.
Көтеріліп теңізден,
Аспанға биік барамын.
Биіктен қайта түскенде,
Өңі кірер даланың.
3 – тапсырма. Тізбек сөздерді көшіріп жазуға ұсынылған. Талғампаздық пен сауаттылық талап етіледі.
Заманбек, күндіз, Зере, Ерден, наз, зәкір, Рамазан, Назым, мұз, зейін.
4 – тапсырма. Көп нүктенің орнына тиісті буынды қойып, мақалды көшіріп жазуға ұсынылған
Өнер... адам өрге озар,
Өнер... адам жер соғар.
Сабақты қорытындылау:
Бүгін қандай тапсырмаларды орындағандарын сұрау.
Зз дыбысына талдау жасау, салыстыру.
Білімді шыңдау, ізденісте болу қажеттігін ұғындару.
Үйге 5 – тапсырма. Сөйлемдерді көшіріп жазу арқылы Зз әрпінің байланысын есте сақтау қажеттілігі ұсынылады.
Бағалау: Таза, көркем жазған оқушыларды мадақтау.
12 – сабақ
Сабақ тақырыбы: Ии, Гг әріптерінің элементтерін жазу.
Сабақтың мақсаты:
Білімділігі: Жазылуы ұқсас әріптердің элементтерін салыстырмалы түрде меңгерту.
Дамытушылығы: Қосымша тапсырмалар арқылы ой-өрісін, сөздік қорын, сөйлеу мәдениетін дамыту.
Тәрбиелігі: Сауатты жазуды талап ете отырып белсенді, еңбексүйгіш тұлғаны тәрбиелеу.
Сабақтың түрі: Аралас сабақ.
Сабақтың әдіс- тәсілдері: Түсіндіру, сұрақ- жауап, жүйелеу.
Сабақтың көрнекілігі: Әріптердің баспа, жазба түрдегі кестесі, интерактивті тақта.
Сабақтың барысы:
Ұйымдастыру кезеңі. Оқушыларды сабаққа дайындау. Бір-бірінің қолдарынан ұстап, «Кел, балалар, күлейік» өлеңін айтқызу.
К ел, балалар, күлейік!
Күлкіменен түлейік!
Күлкімізді күн етіп,
Гүл өссін деп тілейік.
2. Үй тапсырмасын сұрау.
5- тапсырма. Сөйлемді көшіріп жазу.
Сөйлемді көшіріп жазу барысында нені үйрендіңдер?
Зз әрпі өзге әріптермен қалай байланысып жазылады?
Бас әріппен кіші әріптің жазылуында айырмашылық барма?
Жаңа білімді меңгерту.
И,Г әріптерінің элементін жазу.
Бүгін, сабағымызда И и әріптерінің элементтерін жазып үйренеміз. Жазу үрдісіне талдау жүргізу әріптер арасындағы ұқсастықты, айырмашалақты, қозғалыс бағытты түсінуге мүмкіндік береді. Гг әрпінің жазылуы бізге таныс болғандықтан бұл әріпке тоқталмастан, жаттығу барысында қолданамыз.
Әріп элементтеріне талдау жасай отырып, элементтің оңайына, күрделісіне қарап графикалық тұрғыдан топтарға бөледі. Сол секілді И, Г әріптері де бір- біріне жазылуы ұқсас әріптер делінеді. Әріптердің айырмашылығы формасы мен көлемінде екендігін есте ұстау қажеттілігі айтылады.
Сергіту сәті
Бір саусағым тіптіде (Сұқ саусағын көрсетеді),
Ұстамайды жіптіде (Қолымен жіп ұстаған әрекетте болады).
Екі саусақ бірікті (Екі саусағын көрсетеді),
Ине қолға ілікті (Ине ұстауға қолды икемдеу).
Үш саусағым орамды (Үш саусағын көрсетеді),
Жүгіртеді қаламды (Қолды жазуға дайындау).
Өнерлі екен он саусақ (Он саусақты көрсетеді),
Қала салсақ, жол салсақ (Төменге еңкейіп,қолды қозғалтады).
Достарыңызбен бөлісу: |
