Білім алушылардың оқу жүктемесінің ең жоғары көлеміне өлшемшарттар:
2.1
Күндізгі оқу нысанында міндетті оқу жүктемесі, сондай-ақ факультативтік сабақтар мен консультацияларды қоса алғанда, білім алушылардың аптадағы оқу жүктемесінің ең жоғары көлеміне қойылатын талаптардың сақталуы және сәйкестігі
Мектепке дейінгі тәрбие мен оқытудың, бастауыш, негізгі орта, жалпы орта,
техникалық және кәсіптік, орта білімнен кейінгі білім берудің мемлекеттік жалпыға
міндетті стандарттарын бекіту туралы Қазақстан Республикасы Оқу-ағарту
министрінің 2022 жылғы 3 тамыздағы №348 бұйрығының талаптарына сәйкес
колледжде білім алушылардың оқу жүктемесінің ең жоғары көлемі күндізгі оқыту
нысанында міндетті оқу жүктемесі аптасына 36 сағаттан, сондай-ақ факультативтік
сабақ пен консультацияны қоса алғанда 54 сағаттан аспайды. Факультатив сабақтар
теориялық сабақтардың аптасына 4 сағаттан аспайтын көлемде, ал консультациялар
оқу жылына 100 сағаттан аспайтын көлемде қарастырылған. Оқу жылы 1
қыркүйектен басталады, 1 шілдеден кешіктірілмей аяқталады және 52 аптаны құрайды. Бір оқу жылындағы оқу уақыты 40 аптаны (1440 сағат) құрайды, демалыс, мереке күндері (резерв)– 1 апта, каникулдар 11 аптадан кем емес, оның ішінде қысқы кезеңде– 2 апта. Кредиттік – модульдік оқыту жүйесі бойынша оқу жылына арналған міндетті оқу уақытының көлемі 60 кредит/1440 сағатты құрайды. Білім алушылардың жеке қабілеттерін дамыту және көмек көрсету үшін факультативтік сабақтар мен
консультациялар қарастырылған.
Қорытынды: Мектепке дейінгі тәрбие мен оқытудың, бастауыш, негізгі орта, жалпы
орта, техникалық және кәсіптік, орта білімнен кейінгі білім берудің мемлекеттік
жалпыға міндетті стандарттарын бекіту туралы Қазақстан Республикасы Оқу-ағарту
министрінің 2022 жылғы 3 тамыздағы №348 бұйрығының 5-қосымша 3-тарауына
сәйкес.
