«МЕКТЕПТІ БАСҚАРУДАҒЫ ИННОВАЦИЯЛЫҚ МЕНЕДЖМЕНТ» ОРТА БІЛІМ БЕРУ ҰЙЫМДАРЫ БАСШЫЛАРЫНЫҢ БІЛІКТІЛІГІН АРТТЫРУ КУРСЫНЫҢ БІЛІМ БЕРУ БАҒДАРЛАМАСЫ ОҚУ ҚҰРАЛЫ 1-МОДУЛЬ ҚАЗІРГІ БІЛІМ БЕРУДЕГІ ҚҰНДЫЛЫҚТАР Нұр-Сұлтан 2021
Құрметті тыңдаушы! Қазақстан Республикасының жалпы білім беру ұйымдары басшыларының біліктілігін арттыру курсына қош келдіңіз. Сіз бұл курс аясында соңғы жылдары әлемдік білім беру кеңістігінде пайда болған заманауи үрдістер туралы, еңбек нарығының жедел өзгеріп отыратын талаптары білім беру саласына қалай әсер еткені жөнінде біле аласыз. Біз жұмыстың жаңа формалары мен әдістері Сіздің басшылық жұмысыңызда қалай көмектесетінін, нәтижеге жету үшін қандай құзыреттіліктерді дамыту қажет екендігін талқылаймыз. Құрметті тыңдаушы! Басшының өз іс-әрекетін талдау және өз қызметі бойынша рефлексия жасау қабілеті оның мықты және әлсіз жақтарын, сондай-ақ түзетуді және жетілдіруді қажет ететін қырларын анықтауға мүмкіндік береді. Бізге білім беру процесінің барлық қатысушыларын дамытуға бағытталған құзыреттердің тұтас ауқымын айқындау қажет. Басшының өз бетінше білім алуға және өзінің кәсіби қасиеттерін жетілдіруге үнемі ұмтылуы мектептің жаңа мәдениетін қалыптастыру арқылы қолайлы білім беру ортасын құруға негіз болады. Ал бұл өз кезегінде еліміздің білім беру жүйесінің сапасын жетілдіруге ықпал етеді.
